Hardin ti Wailuku

nalabbasit a petalo. berde a bulong.

maris dapo. umasol ken kiaw.

dekolores a buya iti hardin!

kas met iti biag, namaris.

.

.

.

.

hardin ti wailuku

[wwwlentekenladawan.blogspot.com

 

Ti arte, ti talento

ti arte, ti talento.

akuarium nga awan nagyanna a danum ngem nadisenio

a mapunno kadagiti sabong ken mula tapno ti aparato 

a pagipupokan ti lames a taraken maikkan-biag...

[wwwlentekenladawan.blogspot.com]

 

Animal Kingdom Origami

Simple nga arte ti origami a maawagan

iti "Animal Kingdom" usar ti labakara

ken tualia ken nayurnosan iti nagduduma

ti klasena a mula ken sabong a mangpadaeg

ti buyana.

Indasar ni baket daytoy a partuatna iti pagobraanna.

[wwwlentekenladawan.blogspot.com]

Dagiti Ladawan Iti Hardin Ita Nga Aldaw

 

no addaka iti dennak,

agbukirad ken agbukarkar

tunggal petalo ken sabong.

namaris amin a buya iti aglawlaw--

ita nga aldaw ti aldaw dagiti puso!

.

.

.

hardin ti wailuku

mar. 14 peb. 2o23

maui

wwwlentekenladawan.blogspot.com

Ladawan iti Hardin Ita Nga Aldaw

Mayat panangikumpas nga agsala dagiti bulong,  

sanga ken bunga daytoy mula a Yellow Tops iti umagibas 

nga angin iti Hardin ti Wailuku--uray met dagiti taraken

nga aso, makipagtaguobda met iti sirena ti lumabas

nga ambulansia.

wwwlentekenladawan.blogspot.com