Ita Nga Aldaw

MALAGIPKA.

Wen, malagipka manen, Ilocos.

Ken kailiwko ti lasbangmo.

Kailiwka...

Ken wen, nagmayaten ti kaaddak koma iti dennam,

iti sidongmo. Tay maaprosan ken mariknaka.

Tay madingpilmo ti kudilko iti lamiis ti aglawlawmo.

Nagganas koma no aginniliwta a dua. Nagmayaten no 

matengngelko tunggal kanito a kaaddak iti sibaymo

ken ti kaaddam kaniak. Kas ti daytoy higante a palidpalid,

kasko la maigawid panagwerretmo, kadagiti maipasngay

nga aldaw a sumangbay...

.

.

.

.

.

Ita Nga Aldaw

Rudy Ram. Rumbaoa

wwwlentekenladawan.blogspot.com

[nabulod ti ladawan a nausar]

JUIN, JUNIUS, JUNO wenno JUNIO [HUNIO]----

 

JUIN, JUNIUS, JUNO wenno JUNIO [HUNIO]----

ken no aniaman ti awagda kenka, dumanonka, 

sika a maikanem a bulan ti tawen ken maibilang

nga umuna nga aldaw ti kalgaw...

.

.

.

.

.

Hardin ti Wailuku

Rudy Ram. Rumbaoa

Dom. o1 Hun. 2o25

Maui

wwwlentekenladawan.blogspot.com

[bukod nga ala a ladawan ti nausar]

Panagyaman

iti yuumay ti sabali nga aldaw,

kaduana ti napapigsa a bagi

ken napabaro a panunot;

agyaman iti apo daytoy a sagut!

.

.

.

.

.

hardin ti wailuku

mier. 19 mar. 2o25

maui

wwwlentekanladawan.blogspot.com

 

Panagrurusing, Primavera

panagrurusing. primavera

hardin ti wailuku

rudy ram. rumbaoa

hue. 2o mar. 2o25

maui

wwwlentekenladawan.blogspot.com

 

Natiliwak [met la ti ladawam]

Segseggaak Panagparangmo...

Nabayagen a segseggaak. Ti ilulutuadmo iti imatangko. Nabayagen a kayatko a gammatan uray koma la ti ipusmo. Ket itay bigat, natsambaanka. Adda nagbanagan-bunga ti panagurayko. Wen, itay bigat, nagparangka met laengen. Nagammatanka. Natiliwak met la ti ladawam. Sika a namnama. Sika nga arapaap. Maysaka a daniw.

.

.

.

.

.

Natiliwak [met la ti ladawam]

Rudy Ram. Rumbaoa

Mar. 18 Peb. 2o25

Maui

wwwlentekenladawan.blogspot.com

 

Hardin ti Wailuku: Sakaanan ti Paraiso

Iti paraisok

Iti hardin ni ayat

Iti hardin dagiti agayan-ayat

Iti hardin dagiti puso nga agay-ayat--

Adda kappia

Talged ti panunot ken rikna...

.

.

.

.

.

Hardin ti Wailuku:

Sakaanan ti Paraiso

Rudy Ram. Rumbaoa

wwwlentekenladawan.blogspot.com