MAYSA nga aldaw, napankami met nagpasiar iti pagdidinnamagan ken nalatak a kataltalonan ti Alii Kula Lavender, Kula, Maui.
Masarakan daytoy a kataltalonan iti disso nga agsang-at, agpababa, agbangking ken patag a paset ti Haleakala Crater iti upcountry Maui.
Makita iti nasao a kataltalonan dagiti nagduduma ti klasena a maipadaga,
maiplorera ken pang-hardin a mula. Maipasiar dagiti bisita [wenno turista] iti aglawlaw ken adda bukodna a pagtagilakuan a pakagatangan kadagiti produkto ti lavender wenno aromatiko a mula nga agmaris iti nakusnaw nga asul nga addaan bassit a maris lila.
Iti kangatoan a paset ti kataltalonan, makita ditoy ti agarup 45
a klase ti mula a lavender karaman ti Mediterranian ken natibo a
mula ti Hawaii. Nalawag a makita ti taaw Pasipiko no sumango iti
laud a paset ti kataltalonan.
Maus-usar a pagagas ti mula a lavender idi duogan a panawen ken mairaman iti familia Labatiate ti lavender.
[wwwlentekenladawan.blogspot.com]
No comments:
Post a Comment