 |
Idi kalman. Idi kalman iti bantay Iao iti Wailuku a linangeb ti napuskol nga ulep. Idi kalpasan ti tudo. Simmiripen ti lawag. Ti makasirap a lawag ti init. Nangwaknit kadin, wenno aguray pay iti sabali a bisibis? WAILUKU, MIERKULES, 12 Pebrero 2o2o Maui |
 |
| Uray ti mulak a bayawas, timmungrarawda met a maayatan a mainitan manen. Simmaranta a makakita ti lawag iti aglawlaw… . . . Iti Hardin ti Wailuku 11 Pebrero 2o2o Maui |
 |
| Itay aginit. Itay kalpasan ti tudo. Kasta unayen ti lawag ti tangatang. Nangwaknit kadin, wenno agurayak pay sabali a bisibis? . . . Wailuku, 11 Pebrero 2o2o Maui |
 |
| Kaslanak la tantan-awan [ti panagkunak] manipud iti adayo ti kros iti bantay iti Iao Valley ditoy nagtakderak a lugar ti Wailuku. No kuan, diak makita ta malangeb kadagiti napuskol nga ulep nga aglabas iti bantay. Nupay ammok ti gapuna no apay a naipatakder dayta a kros iti bantay, maysa ketdi daytoy a pammalagip tapno silalagip ken agnanayonak nga agyaman iti Dios. . . Wailuku, 11 Pebrero 2o2o Maui |
 |
| wwwlentekenladawan.blogspot.com A Day in The Life: You Are Mastered To Captured One's Heart Wailuku, Maui |
 |
| Ammuen pay daytoy, ne… . . KROS ITI BANTAY No addaka iti Wailuku ken miraen a naimbag ti Iao Valley, makita ti dakkel a kros iti tuktok ti kabitkabit a turod ti akinkannigid a paset ti tanap. Mapapati a naipatakder ti kros iti tartaraudi ti tawen 1950’s babaen kadagiti estudiante ti St. Anthony High School. Adda dita ti pagrugian ti maysa a dalan nga asideg iti nagsinaan ti sabali a pangrugian met laeng ti dalan nga agturong iti Iao Valley. Saan nga atiddog a pagnaan ngem agtayag iti 1,000 kadapan manipud iti pagrugian a pagnaan nga umuli nga agturong iti kros. [bukod nga ala a ladawan] |
 |
| A Day in The Life: Focus Wailuku Gardens wwwlentekenladawan.blogspot.com |
 |
| wwwlentekenladawan.blogspot.com -Samsung Videocam -Canon Rebel EOS T5 -Canon Lenses -IFlysight Monitor -Phantom 2 Vision -Phantom 3 Advanced -Inspire 1 v 2.o |
