Kunak Man

 

ti panaguray. agur-uray. wenno aguray iti paur-uray.

ngem ania koma ti ur-urayen no wan met napintas a banagen

ti panaguray-- no pimmamulinawen met ti puso nga ur-urayen?

di payen agkuti ti bulong dagiti mula a pakdaar wenno senial koma

ti idadateng ti napateg nga ur-urayen. uray kadi ti panawen,

nagbaliw metten? ah!

.

.

.

.

kunak man

rudy ram. rumbaoa

wwwlentekenladawan.blogspot.com

Kunak Lang...

itay bigat.
itay bigat, kalpasan
ti nagpatnag a trabaho.
kalpasan ti walo nga oras
a panagibtur ken anus a puyat,
nalpas met laengen-
inton sumuno a lawas,
addanton awaten a pirak.

ngem diak agpakada
ta agsubliakto manen
nga agpasag kenka,
sika a murmurayko
iti binigat...
.
.
.
.
awan, kunak lang.

rudy ram. rumbaoa
hm, kahului, maui