Natiliwak [met la ti ladawam]

Segseggaak Panagparangmo...

Nabayagen a segseggaak. Ti ilulutuadmo iti imatangko. Nabayagen a kayatko a gammatan uray koma la ti ipusmo. Ket itay bigat, natsambaanka. Adda nagbanagan-bunga ti panagurayko. Wen, itay bigat, nagparangka met laengen. Nagammatanka. Natiliwak met la ti ladawam. Sika a namnama. Sika nga arapaap. Maysaka a daniw.

.

.

.

.

.

Natiliwak [met la ti ladawam]

Rudy Ram. Rumbaoa

Mar. 18 Peb. 2o25

Maui

wwwlentekenladawan.blogspot.com

 

Hardin ti Wailuku: Sakaanan ti Paraiso

Iti paraisok

Iti hardin ni ayat

Iti hardin dagiti agayan-ayat

Iti hardin dagiti puso nga agay-ayat--

Adda kappia

Talged ti panunot ken rikna...

.

.

.

.

.

Hardin ti Wailuku:

Sakaanan ti Paraiso

Rudy Ram. Rumbaoa

wwwlentekenladawan.blogspot.com

 

Hardin ti Wailuku: Ur-urayennaka!

apagkulding apros pul-oy ti angin, agkuskusilat

ti aldaw ta agsuyaaben ti rabii, saan nga umapon

dagiti ballog nga arapaap ngem dagitoy ray-aw

ti mata iti hardin ti paraiso isuda ti agpuyat

ken agtagikua iti mangliwengliweng a kasipngetan...

.

.

.

.

.

hardin ti wailuku:

ur-urayennaka!

rudy ram. rumbaoa

wwwlentekenladawan.blogspot.com

Paliiw

Ladawan ti moderno a madonna nga ubba ti anak...

.

.

.

.

.

Paliiw

Rudy Ram. Rumbaoa

wwwlentekenladawan.blogspot.com

[nabulod ti ladawan a nausar]

 

Idi nagampayag ti P3Advanced

maysa nga aldaw a nagampayag ti p3advanced iti ngatuen ti kalsada ti mokapu ken laau, kahului, maui--

[wwwlentekenladawan.blogspot.com]

Dagiti ala a ladawan iti hardin

 

Makaay-ayokayo iti mata. Makaabbukaykayo iti rikna. Nagpintasen ti kaaddayo iti nakaparsuaan aya!

.

.

.

.

.

Hardin ti Wailuku

[wwwlentekenladawan.blogspot.com]

Sabali pay a pannakaurnos dagiti sabong

Sabali pay a pannakaurnos dagiti sabong a naipan iti plorera nga obra-maestra ni baket. Imparangna daytoy aramidna iti pagtrabahuan a pagpapaayanna.

[wwwlentekenladawan.blogspot.com]