Bakasion: PILIPINAS 2026

Ti nabatbati iti listaan ti itinirario a nagpasiaran iti panagbakasion, ti panangasak ti desdes dagiti napipintas a lugar iti Ilocos Norte.

Ti “PADRE PIO Shrine” wenno ti sabali pay nga awagna a Padre Pio La Verna Hermitage, ket masarakan iti Brgy. Davila, Pasuquin, Ilocos Norte.

Ti kapilia ni Padre Pio ket lugar a pagdaydayawan ken pagagasan kadagiti masakit nga umasug iti tulong ni Padre Pio. Lugar ken pagguummongan dagiti deboto a mamati ken ni Apo Dios. (13)

.

.

.

.

.

PADRE PIO SHRINE

Brgy. Davila, Pasuquin

Ilocos Norte

Rudy Ram. Rumbaoa

wwwlentekenladawan.blogspot.com

#deboto #padrepio #padrepioshrine #padrepiolavernahermitage #mamati #brgydavila #pasuquin #ilocosnorte #lente #ladawan #rudyramrumbaoa #Philippines2026

Bakasion: PILIPINAS 2026

Ti nabatbati iti listaan ti itinirario a nagpasiaran iti panagbakasion, ti panangasak ti desdes dagiti napipintas a lugar iti Ilocos Norte.

Masarakan iti Military Park Cape Bojeador ti monumento ti BANNUAR ITI AMIANAN [Heroes of the North], Brgy. Bubon, asideg ti Cape Bojeador Lighthouse, Burgos, Ilocos Norte, agarup maysa nga oras ken limapulo ket dua a minutos ti biahe manipud iti Siudad ti Laoag [40.4 kilometro].

Naestablisar daytoy a monumento ti 4th Marine Brigade of the Philippine Marine Corps idi Enero 30, 2024, a pagraem ken pangrespeto kadagiti soldado a bannuar iti amianan.

Agkukat ti parke iti Mierkules agingga ti Domingo iti 8:00 AM - 6:00 PM; Lunes ken Marte manipud 3:00 PM -6:00 PM. Silulukat ti monumento 24 oras.

Iti monumento, makita dagiti daan a ramit a pakigubat, daan a jet fighter, armored vechicles ken open-air museum setting.

Awan bayadan nga entrance fee ken libre ti agparking ngem

masapul nga agrehistro dagiti bisita a sumrek iti kampo. (12)

.

.

.

.

.

BANNUAR ITI AMIANAN

Brgy. Bubon, Burgos

Ilocos Norte

Rudy Ram. Rumbaoa

wwwlentekenladawan.blogspot.com

#militarypark #marines #capebojeador #monumento #parke #bannuaritiamianan #oldmilitaryequipments #marinebrigade #brgybubon #burgos #ilocosnorte #touristattraction #lente #ladawan #rudyramrumbaoa #Philippines2026

Bakasion: PILIPINAS 2026

Ti nabatbati iti listaan ti itinirario a nagpasiaran iti panagbakasion, ti panangasak ti desdes dagiti napipintas a lugar iti Ilocos Norte.

Maysa a tawid-kultura ti langa ti istraktura ti Cape Bojeador Lighthouse wenno ti nalatlatak nga awagna a BURGOS LIGHTHOUSE, Burgos, Ilocos Norte, a nabangon idi panawen ti panagsakup ti kastila iti Filipinas.

Mapapati nga immuna a nasilawan ti higante a parola dagiti barko idi Marso 30, 1892, a makita iti nangato a paset iti turod ti Vigia de Nagpartian a simmango iti Cape Bojeador no sadino dita a paset ti baybay ti paglayagan dagiti galleons [maysa a kita ti barko idi un-unana a panawen].

Masaran ti Burgos Lighthouse iti Brgy. Bayog, Burgos, Ilocos Norte. (11)

.

.

.

.

.

BURGOS LIGHTHOUSE

Cape Bojeador Lighthouse

Brgy. Bayog, Burgos

Ilocos Norte

Rudy Ram. Rumbaoa

wwwlentekenladawan.blogspot.com

#burgoslighthouse #capebojeador #brgybayog #burgos #ilocosnorte #parola #tawid #kultura #spanishbuild #touristattraction #lente #ladawan #rudyramrumbaoa #Philippines2026

Bakasion: PILIPINAS 2026

Ti nabatbati iti listaan ti itinirario a nagpasiaran iti panagbakasion, ti panangasak ti desdes dagiti napipintas a lugar iti Ilocos Norte.

Am-ammo ti KAPURPURAWAN ROCK FORMATION iti Brgy. Saoit, Burgos, Ilocos Norte, babaen ti maris puraw a malakrema ken bato nga apog, a sinukog ti danum ti baybay ken agbaliwbaliw a tiempo ti panawen. (10)

Ti Burgos Wind Farm (A).

.

.

.

.

.

KAPURPURAWAN ROCK FORMATION

Brgy. Saoit, Burgos

Ilocos Norte

Rudy Ram. Rumbaoa

wwwlentekenladawan.blogspot.com

#kapurpurawanrockformation #brgysaoit #burgos #beautifulplace #touristattraction #lente #ladawan #burgoswindfarms #rudyramrumbaoa #Philippines2026

Bakasion: PILIPINAS 2026

NALIKUDAK ti panaglukat ti ROBINSONS PLACE Ilocos, San Nicolas, Ilocos Norte, ken kaunaan a fully-operational mall iti probinsia idi Disiembre 2009 ta nagsubliak iti Hawaii ti bulan ti Pebrero iti dayta met la a tawen. Ita la a mabaddekak ti nasao a mall kalpasan ti sangapulo ket pito a tawen ti napalabas, piman.

Ala wen, bareng marugianto metten ti MEGAWORLD iti Brgy. Calayab, Siudad ti Laoag, no umaykonto manen siripen ti ili a nakayanakan.

.

.

.

.

.

ROBINSONS PLACE ILOCOS

San Nicolas, Ilocos Norte

Rudy Ram. Rumbaoa

wwwlentekenladawan.blogspot.com

#robinsonsplaceilocos #sannicolas #ilocosnorte #shoppingmall #businessestablishment #robinsonsmalls #lente #ladawan #rudyramrumbaoa #Philippines2026

Bakasion: PILIPINAS 2026

Ti nabatbati iti listaan ti itinirario a nagpasiaran iti panagbakasion, ti panangasak ti desdes dagiti napipintas a lugar iti Ilocos Norte.

Napintas ti nakaipuestoan ti BANGUI VIEW DECK, Bangui, Ilocos Norte, ta nalawag a

makita iti baba— ti pakabuklan ti ili, ti pannakaurnos ti Wind Mills iti aplaya ti baybay ti Bangui ken natural a kinapintas ti aglawlaw.

Mairekomendar a pagpasiaran ken pagalaan ti ladawan. Malaksid ti pintas ti buya a makita, adda bukod a paggatangan iti makan, mainum ken souvenir items ti nasao a view deck. (9)

.

.

.

.

.

BANGUI VIEW DECK

Bangui, Ilocos Norte

Rudy Ram. Rumbaoa

wwwlentekenladawan.blogspot.com

#viewdeck #bangui #ilocosnorte #beautifulview #overlooking #banguiwindmills #onestop #touristattraction #lente #ladawan #rudyramrumbaoa #Philippines2026