Bakasion: PILIPINAS 2026

Ti nabatbati iti listaan ti itinirario a nagpasiaran iti panagbakasion, ti panangasak ti desdes dagiti napipintas a lugar iti Ilocos Norte.

Nausar iti BANGUI WIND FARM, Bangui, Ilocos Norte, ti 20 units ti 70 metro kangato ti Vestas V82 1.65 MW wind turbines, nayurnos iti agarup 9 kilometro a kaatiddogna iti aplaya ti Bangui Bay a sumango ti West Philippine Sea.

Ti Bangui Windmills ket makapartuat ti agarup 52 MW iti 21,270 a pagtaengan a makasapul ti kuriente.

Ti North Wind ket maysa a kompania manipud ti ACEN. Daytoy ti kaunaan a proyekto ti Acen iti renewable energy ken kaunaan a wind farm

iti Southeast Asia. (A)

Ti BURGOS Wind Farm ti kadakkelan a proyekto ti wind power iti pagilian a Filipinas a nagusar ti 50 a dadakkel a turbina a nangukopar ti agarup 600 nga ektaria a daga iti Ilocos Norte.

Nairugi ti proyekto idi 2014 a napundoan iti US$450 million a makapataud ti 370 gigawatt—hours ti nadalus nga elektrisidad kada tawen.

Kapasidad: 150 megawatts total [50 Vestas V90 turbines iti kada 3 MW].

Makapartuat ti 370 GWh kada tawen ken makaipaay iti kuriente ti agarup 2 milion a pagtaengan.

Masarakan ti Burgos iti Brgys. Saoit, Poblacion ken Nagsurot, Burgos, Ilocos Norte. (B)

Ti PAGUDPUD WIND FARM ket 160-MW renewable energy facility, kadakkelan nga agop-operar a wind farm iti Filipinas a masarakan iti barangay ti Balaoi ken Caunayan, Pagudpud, Ilocos Norte.

Kukua met la ti Acen ti Pagudpud wind farm nga addaan ti 32 Siemens Gamesa wind turbines.

Addaan ti kapasidad nga agtotal iti 160 megawatts [MW], 32 yunit ti turbina [5 MW kada turbina] ken makasuplay ti kuriente iti 123,000 a pagtaengan. (C)

.

.

.

.

.

BANGUI WIND FARM

Bangui, Ilocos Norte

BURGOS WIND FARM

Brgy. Saoit, Publacion ken Nagsurot

Burgos, Ilocos Norte

PAGUDPUD WIND FARM

Brgy. Balaoi ken Caunayan

Pagudpud, Ilocos Norte

Rudy Ram. Rumbaoa

wwwlentekenladawan.blogspot.com

#renewableenergy #windmills #windfarms #produceelectricty #produceenergy #electricity #pagudpud #bangui #burgos #acen #ilocosnorte #banguibay #brgysaoitpublacion #brgynagsurot #brgybalaoi #brgycaunayan #lente #ladawan #rudyramrumbaoa #Philippines2026