SAKBAY a naginana ti aldaw, napanmi pinadalanan ken sinaksian ti panagtabon ti init iti saklot ti nalinak ken nalit-aw a baybay, nagtugaw iti igid ti CURRIMAO LIGHTHOUSE Baywalk ken nagkodak iti ladawan ti PANGIL ROCK FORMATION, iti Pangil Coastal Road Publacion II, Currimao, Ilocos Norte.
Manmano ti naranami a naglako gapu ngata ta nagtudo nga immuna sakbay a napankami. Adda dagiti nagbisekleta, nag-walking ken mangmangan iti igid ti coastal baywalk.
Napintas a pagpalpallailangan nangruna no agbannawag ken lumnek ti init. Makita dagiti naporma a batbato a naawagan ti "Pangil Rock Formation" ken presko ti angin a lang-aben. Napimpintas ti agpasiar iti rabii tapno makita ti silaw dagiti babassit a lighthouse. Ideal para kadagiti agayan-ayat ken nakaromromantiko ti buya iti aglawlaw.
.
.
.
.
.
SUNSETS
iti Currimao Lighthouse Baywalk
ken Pangil Rock Formation
Pangil Coastal Road Publacion II
Currimao, Ilocos Norte
Rudy Ram. Rumbaoa
wwwlentekenladawan.blogspot.com
#currimaolighthousebaywalk #pangilrockformation #touristattraction #sunsets #sunrises #loversplace #romanticplace #currimao #ilocosnorte #beautifulplaces #lente #ladawan #rudyramrumbaoa #Philippines2026
No comments:
Post a Comment