NAGSUKAINAK kadagiti pempen a ladladawan bayat ti apagbiit a bakasionko iti Filipinas itay kallabes. Immisemak iti bangbangir idi nakitak daytoy a ladawan---ket ney, mayat man ti panaggrugrupo dagiti lallaki. Diak ammo no ania ti pasken idi, ngem makitak nga adda serbesa nga in-inumenda.
Kadagiti lallaki a malasinko: ni Tomas [Dela Cruz] la ketdi ti nakalikud ken simmango kadakuada [makita iti akinkannigid a paset ti ladawan], ni Mg Alex [Ramos] a nakatugaw a sinaruno da, Mario [Dela Cruz], ni Judge Philip [Salvador], ni Joe [Ramos], nakamangisit ti badona a timmaliaw iti Dios-ti-Alluadna Mg Ago [Malasig] ken Judge Felix [Salvador] a simmango iti nangkodak kadakuada ken nakatugaw iti akinnawan a paset ti ladawan]. Diak ammo no sino pay dagiti dadduma a kaduada.
No diak mariro, senior citizen-da aminen, piman. Kitaem kad' lang, nagalistot' panagtulid ti rueda ti panawen, aya?
Ay, rekuerdo latta!
.
.
.
.
.
PANANGTALIAW ITI LINIKUDAN A KALMAN, N.13
Rudy Ram. Rumbaoa
wwwlentekenladawan.blogspot.com
#rekuerdo #panangtaliaw #linikudan #kalman #napalabas #lagip #lente #ladawan #rudyramrumbaoa
No comments:
Post a Comment